Дүйнөдөгү эң кымбат футбол клубдары аныкталды. Англиялык клубдар алдыда

Коронавирус пандемиясынан улам футбол мезгили токтоп турганда, күйөрмандарды дүйнөнүн алдыңкы клубдарынын кийинки рейтинги менен тааныштырабыз. Белгилүү "Transfermarkt" порталы дүйнө жүзүндөгү эң кымбат футбол клубдарынын тизмесин жарыялады.

Эң кымбат футбол клубу болуп англиялык "Манчестер Сити" футболдук клубу табылды. Испаниялык машыктыруучу Хосеп Гвардиоланын командасы 1 миллиард евродон ашуун, тагыраагы, 1 миллиард 200 миң еврого бааланган. Экинчи орунга учурдагы Чемпиондор Лигасынын ээси "Ливерпуль" клубу 967 миллион еврого бааланып жайгашса, үчүнчү орунду 888 миллион 500 миң еврого бааланып испаниялык "Реал Мадрид" футболдук клубу жайгашты.

Дүйнөдөгү эң кымбат 10 футболдук клуб төмөндөгүчө:

1. "Манчестер Сити" (Англия) - 1 миллиард 200 миң евро;

2. "Ливерпуль" (Англия) - 967 миллион евро;

3. "Реал Мадрид" (Испания) - 888 миллион 500 миң евро;

4. "Барселона" (Испания) - 852 миллион 700 миң евро;

5. "ПСЖ" (Франция) - 843 миллион 700 миң евро;

6. "Бавария" - 756 миллион 600 миң евро;

7. "Атлетико Мадрид" (Испания) - 709 миллион евро;

8. "Тоттенхэм" (Англия) - 699 миллион евро;

9. "Челси" (Англия) - 679 миллион 900 миң евро;

10. "Манчестер Юнайтед" (Англия) - 646 миллион 700 миң евро.