Вице-премьер: "Баткен облусу селден 55 миллион сомдон ашык каражатка зыян тартты"

Баткен облусу боюнча жалпы материалдык зыян тартуу 55 миллион 276 миң 500 сомду түздү. Бул тууралуу бүгүн, 6-майда Жогорку Кеңештин жыйынында вице-премьер-министр Акрам Мадумаров билдирди.

“Сел турак жайларга, социалдык мекемелердин имараттарына, ички чарбалык курулуштарга зыянын тийгизди. Исфана шаарында, Тогуз-Булак, Маргун, Ак-Суу жана Сумбула айыл аймактарында сел жүргөн. Катталган селдин кесепетинен район боюнча 116 турак жайдын, 5 социалдык мекеменин, 12 өндүрүш жайынын короосун суу каптап, 32 бак-дарактарды мөндүр күүгөн. Эгин талаалары да жабыркап, 5 бодо малды агызган. Ички чарбалык көпүрө да авариялык абалга кептелип, 400 метрден ашуун аралыктагы сай жээктериндеги коргоочу тосмолорду суу жууп кеткен", - деди ал.