Өкмөт эл аралык валюта фонду берген каражаттардын бөлүштүрүлүшү тууралуу маалымат жарыялады

Эл аралык валюта фонду тарабынан берилген каражаттар 31-мартта борбордук казыналыктын учурдагы эсебине 120 миллион 85 миң доллар өлчөмүндө түшкөн. Бул тууралуу өкмөттүн басма сөз кызматынан билдиришти.

Маалыматка ылайык, каражаттар 8-апрелде Улуттук банктын эсептик курсу боюнча 1 доллар 84,87 сом чегинде улуттук валютага конвертацияланып, толугу менен сомго айландырганда 10 миллион 256 миң сомду түздү. Ошол эле учурда 490 миллион 8 миң сомдун курстук айырмасы республикалык бюджеттин кирешелеринде курстук айырмачылыктан түшкөн киреше катары чагылдырылды.

2020-жылдын апрель айында Эл аралык валюта фондунун айтылган каражатынын эсебинен республикалык бюджеттин чыгашасына 8 миллион 896 миң 800 сом жумшалды.

• айлык акыга 3 миллион 994 миң 400 сом;
• социалдык керектөө үчүн 468 миллион 7 миң сом;
• Социалдык фондго чегерүүлөр 1 миллион 834 миң сом;
• Милдеттүү медициналык фондго чегерүүлөр 1 миллион 210 миң сом;
• теңдөөчү чегерүүлөр 160 миллион 8 миң сом (жергиликтүү өз алдынча башкаруу органдарынын эмгек акысы);
• калкты социалдык камсыздоо жана социалдык көмөк көрсөтүү боюнча жөлөк пулдар 869 миллион 2 миң сом;
• медицина товарларын жана кызмат көрсөтүүлөрүн алуу 106 миллион 3 миң сом;
• стратегиялык запастар 153 миллион сом (Мамлекеттик материалдык резервдер фонду тарабынан эгин алууга);
• коронавируска каршы күрөшүү максатында киргизилген чектөөлөрдөн улам оор турмуш шартында калган калк үчүн азык-түлүк алууга 100 миллион 4 миң сом.

Ошентип Эл аралык валюта фондунун каражаттарынын калдыгы ушул жылдын апрелине карата 1 миллион 359 миң 800 сомду түзөт. Ал 2020-жылдын майында республикалык бюджеттин социалдык маанилүү чыгымдарына жумшалат.