Тажикстанда коронавирустан каза болгондордун саны 12 адамга жетти

Тажикстанда коронавирус инфекциясына чалдыккандардын саны 461ге, ал эми андан каза болгондор 12ге жетти. Бул тууралуу тажик басылмалары жазышууда.

Маалыматта акыркы сутка ичинде дагы 81 адам оору жугузуп алганы айтылат.

"Тажикстандын аймактарындагы статистика тууралуу өлкө жетекчилиги билдире элек. Саламаттыкты сактоо министрлигинин маалыматына ылайык, 4 миң 205 адам дарыгерлердин көзөмөлүндө жатса, анын ичинен 345 адам толук диагностикалык текшерүүдөн кийин үйлөрүнө чыгарылган. Бирок жергиликтүү эксперттер менен социалдык тармактын колдонуучулары Тажикстанда коронавирус жуктуруп алгандардын саны расмий статистикадан бир топ жогору экенин белгилеп келишет", - деп жазылат маалыматта.