Ошто согуштун 6 ардагерине 30 миң сомдон сыйлык акча тапшырылды

Ош шаарында согуш ардагерлерине 30 миң сомдон акчалай сыйлыктар тапшырылды. Бул тууралуу шаар мэриясынын маалымат кызматынан кабарлашты.

"Бүгүн, 8-майда Ош шаарынын мэри Таалайбек Сарыбашов Улуу Ата Мекендик согуштун ардагерлери Касымбай Жолдошов менен Салахидин Токтобаевден кабар алып, өлкө башчысынын куттуктоосун жеткирди. Ардагерлерге Кыргыз Республикасынын президентинин мааракелик медалдары жана шаардык мэрия тарабынан 6 согуштун ардагерине 30 миң сомдон тапшырылды", - деп айтылат маалыматта.

Ош шаарында 6 согуштун, тылдын 15 ардагери бар. Улуу Жеңиштин 75 жылдыгын чоң салтанат менен өзгөчө майрамдоо пландалган болчу. Карантинге байланыштуу салтанаттар өтпөй турган болгон. 6 согуштун ардагери болгон аталарыбызга президент тарабынан буга чейин ар бирине 75 миң сомдон берилген.

"15 тылдын ардагерине 15 миң сомдон берилди. Мэрия тарабынан да согуштун 6 ардагерине 30 миң сомдон, тылдын 15 ардагерине 15 миң сомдон тапшырылды. Бир гана майрамдарда гана эмес, башка убакта да кабар алып турабыз. Мамлекет тарабынан көңүл бурулуп, ай сайын 17 миң сомдон жөлөк пул, ооруктун 4 ден соолугунун мүмкүнчүлүгү чектелген катышуучусуна 2 миң сомдон жана тылда эмгектенген 11 ардагерлерге 1000 сомдон берилип турат. Мындан тышкары да ар кандай жеңилдиктер да бар", - деп билдиришти мэриядан.