Ошто ден соолугунун мүмкүнчүлүгү чектелген адам тетиктерден кураштырып, унаа жасап чыкты (видео)

Ош шаарында белгисиз жаран ар кандай унаалардын тетиктерин топтоп кураштырып, өзү унаа жасап чыккан. Жарандын жасаган унаасын коомдук актвист Бакыт Ашир видеого тартып алган. Айтымында, видео мындан 1 ай мурун тартылган.

"Жолдо кетип баратып, өзгөчө унааны көрүп калдым. Унаанын айдоочусунан кантип кураштырдыңыз деп сурадым. Мага чынында кызык болду. Жаран ден соолугунун мүмкүнчүлүгү чектелген адам экен. Мындан улам ал үйдө олтуруп, кызыккан жумушун кылып, ар кандай унаанын тетиктеринен жамап, кураштырып, жасап чыгыптыр. Ал унааны жасап чыгууга жалпы 7 ай кеткенин айтты. Ал видеого тартып жатканда дагы алгач каршы болду. Бирок мындай алтын колдуу кишини кантип тартпай коймок элем, тартып алууну каалап, видеого тартып алдым", - деди Бакыт Ашир.