"Чыр жер талашуудан улам келип чыкты". Баткен облусунун Көк-Таш айылынын тургуну ок Тажик тараптан атылганын айтты

Бүгүн, 8-майда Кыргыз-Тажик мамлекеттик чек арасында чыр чыгып, ок атышуу болду. Бул тууралуу маалыматты Мамлекеттик чек ара кызматы да тастыктап, абалды оор деп билдирген.

Чыр жана ок атышуу Баткен районуна караштуу Ак-Сай айыл өкмөтүнүн Көк-Таш айылында чыккан. Бул тууралуу SUPER.KG порталына аталган айылдын тургуну билдирип, төмөнкүлөрдү айтып берди.

"Биз жакта интернет дагы жаман болуп жатат. Мен жашаган Көк-Таш айылында атыш болгонуна 1 саатка чукул убакыт болду. Уруштун чыгуусуна жер талашуу себеп болду. Айылыбызда каналдын астында 600 метр ылдый жакта кыргыздын жери бар. Ал жерди тажиктер келип трактор менен сүрдүрүп, ок чыгарган", - деди жаран.

Абал боюнча дагы кошумча маалымат берилет.