Ырчы Айдана Деканын агасы, ырчы Канат Деркембаев жубайы менен ажырашканын ачыктады

Ырчы Айдана Деканын агасы, ырчы Канат Деркембаев жубайы менен ажырашканын ачыктады. Бул маалыматты ал Инстаграм баракчасына жазып чыккан.

"Сиздерден абдан көп суроолор келип жатат, менин жеке жашоом боюнча, үй-бүлөм туурасында. Андыктан бүгүн ошол нерсеге чекит коёюн деп чечтим. Жашоодо өйдө-ылдый болот экен. Бардыгы биз ойлогондой болсо кана? Биз эки жылдан бери чогуу жашабай калганбыз. Быйыл жубайым менен үй-бүлөлүк жашоо жолубуз эки тарапка бөлүнүп, мыйзамдуу түрдө ажырашып кеттик. Айта берсем, сөздөр көп! Туура түшүнүңүздөр!

Эми мага үй-бүлөлүк абалым туурасында суроолоруңуздар токтойт деп ойлойм жана өтүнөм", - деп жазган Канат мырза.

Белгилей кетсек, Канат Деркембаев "Карындашым", Айдана Дека менен чогуу "Энекем" дуэтин аткарган. Жубайы экөө бир уул, бир кызды тарбиялап келишкен.