Милициянын кайгуул кызматы согуш ардагерлерин Жеңиш күнү менен куттуктады

Бишкек шаардык ички иштер башкармалыгы боюнча милициянын кайгуул кызматынын башкармалыгынын башчысы, милициянын майору Алмазбек Исаков баштаган МККБнын жалпы жамааты Улуу Ата Мекендик согуштун катышуучуларын жана ооруктун эмгекчилерин Улуу Ата Мекендин согуштун 75 жылдык мааракеси менен куттуктады. Бул тууралуу мекеменин басма сөз кызматынан билдиришти.

Маалыматка ылайык, согуш ардагерлеринин кылган эмгегин, күжүрмөн, тайманбас баатырдык эрдигин баалап, жалпы милициянын кайгуул кызматынын атынан белегин жана акчалай сыйлыгын тапшырды. Азыркы жашап жаткан тынчтык замандын баркын баалай билүү менен ыраазычылыгын билгизип, бекем ден соолук, узун өмүр жана кайраттуу карылык каалашты.

Согуш ардагерлери азыркы муун жашап жаткан тынчтык замандын баркын баалай билүүгө чакырып, өздөрүнүн согуш учурундагы кыйынчылык, ачкачылык, фронтто фашисттик баскынчылар менен согуш учурундагы оор күндөрдү эскерүү менен айтып беришти.