Бир суткада дагы Кыргыз өлкөсүндөгү 16 жарандан коронавирус аныкталды. Жалпы 947

10-май саат 10:00гө карата Кыргыз өлкөсүндөгү дагы 16 жарандан коронавирус аныкталды. Маалыматты саламаттыкты сактоо министринин орун басары Нурболот Үсөнбаев өлкөдөгү эпидемиологиялык абал тууралуу маалымат берип жатып билдирди.

Муну менен ооругандардын жалпы саны 947ге жетти.

Маалымат жыйын учурунда Соль-Илецк шаарынан келгендердин ичинен 55 адамдан да коронавирус аныкталгандыгы айтылды. Ошентип жалпы сан 1 миң 2 кишини түздү.

Аймактар боюнча алганда:

Бишкек шаарында – 2;
Чүй облусунда – 56 (алардын ичинен 55 Соль-Илецк шаарынан келгендер);
Жалал-Абад облусунда – 5;
Ош облусунда – 3;
Баткен облусунда – 4;
Нарын облусу – 1.