11-майдан тартып кайсы жумуш ээлерине уруксат берилет? Тизме

Эртең, 11-майдан тартып карантиндик режимде ар кайсы багыттагы экономикалык ишмердүүлүккө уруксат берилет. Бул тууралуу республикалык штабдан кабарлашты.

Уруксат берилген ишмердүүлүктөрдүн тизмеси. Финансылык жана башка кызмат көрсөтүү чөйрөлөрүнөн:

• микрофинансылык уюмдар;
• камсыздандыруу компаниялары;
• күрөөкана;
• акча алмаштыруу жайлары;
• кыймылсыз мүлк боюнча агенттиктер;
• туристтик агенттиктер;
• адвокаттык кызматтар;
• басма кызматтары.

Калкты тейлөө кызматтарынан:

• сантехникалык, электромонтаждык жана жыгач устачылык иштер;
• тиричилик техникаларын, машиналарды, аппараттарды жана шаймандарды оңдоочулар;
• химиялык тазалоо.

Соода чөйрөсүнөн:

• курулуш материалдарынын дүкөндөрү жана базарлары;
• автотетик, велотетик, комплекттөөчү тетиктер, май жана автомобиль сырларын сатуу базарлары.

Тигүү жана булгаары иштетүү тармактары үчүн кездемелерди, фурнитураларды жана башка буюмдарды сатуу базарлары:

• автосалондор – унаа базардан сырткары;
• массалык маалымат каражаттары.