"Xiaomi" компаниясынын башчысы өзүнүн жакшы көргөн смартфонун айтты

Дүйнөгө белгилүү "Xiaomi" компаниясынын негиздөөчүсү жана башчысы Лэй Цзюндун өзү колдонгон көптөгөн смартфондору бар. Бирок көпчүлүк анын сүйүктүү смартфону кайсы экенине кызыгышат.

Компаниянын жетекчиси бардык смартфондорунун ичинен Mi Mix 2ни өзгөчө жакшы көрөрүн айткан. Лэй Цзюндун 2017-жылы чыккан смартфонду тандаганына көпчүлүк таң калып жатышат.

50 жаштагы Лэй Цзунь Кытайдагы эң бай миллиардерлердин ичинен алтынчы орунда турат. Анын байлыгы 13 миллиард 200 миллион долларга бааланган. 2015-жылдын биринчи жарымында Лэй Цзунь АКШдагы "Mi.com" деген интернет-аксессуарлар дүкөнүн ачкан. Бул "Xiaomi" компаниясынын дүйнөлүк рыноктогу биринчи ири кадамы.