Эртең Бишкекте Чернобыль катастрофасына арналган сүрөт көргөзмө ачылат

Эртең Бишкекте Роман Гуманюктун Чернобыль катастрофасына арналган “Припяттын оттору же Чернобылдын көлөкөлөрү” аттуу сүрөт көргөзмөсү ачылат. Гапар Айтиев атындагы музейде өтчү көргөзмөдө Чернобылдагы кырсык менен күрөшкөндөрдү жана Припять шаарынын жашоочуларын көрүүгө болот. Сүрөтчү окуя болгон жерге барып, кырсыктын кесепеттерин өз көзү менен көрүп жана сүрөткө тартып келген эмгектерин элдин назарына коймокчу. Айта кетсек, 1985-жылы Бишкекте туулган сүрөтчү Роман Гуманюк этникалык украин болуп саналат.