Депутат Масалиев: "Финансы министри комитет жыйынына келсе көрүндүк берем"

Бүгүн, 12-майда Жогорку Кеңештин комитет жыйынында депутат Исхак Масалиев финансы министри Бактыгүл Жээнбаева отурумга келбегенине нааразы болду.

"Финансы министри жыйынга келгенде көрүндүк берет окшойбуз. Сизге берем көрүндүктү", - деп депутат премьер-министрге кайрылды.

Премьер-министр Мухаммедкалый Абылгазиев финансы министри Бюджет жана финансы боюнча комитетте баяндама жасап жатканын айтты.

Ошону менен катар эле депутат вице-премьер-министр Аида Исмаиловага кайрылды. "Депутаттык адатыңызды калтыра элексизби же унутуп калдыңызбы чет жактан келген каражаттар боюнча маалыматты бере элексиз. Эл тараптан ар кандай суроолор болуп жатат", - деди ал.

Исмаилова маалыматты бүгүн берерин айтты.