Нарында кайсы тармактар ишин жандантты? (тизме)

Нарын облусунда кайсы ишмердүүлүктөр ишин жандантканы айтылды. Бул тууралуу өкмөттүн Нарын облусундагы ыйгарым укуктуу өкүлү Эмилбек Алымкулов брифинг учурунда билдирди.

Маалыматка ылайык, бардык жетекчилерге санитардык-гигиеналык нормаларды сактоо боюнча милдеттемелер коюлган.

Иши жанданган тармактар:

- тоо-кен тармагындагы көмүр казуучу ишканалар;
- өндүрүш ашканалары;
- базарлар;
- чачтарачканалар;
- курулуш товарларын жана унаа тетиктерин саткан дүкөндөр;
- май алмаштыруучу жана техника оңдоочу жайлар;
- автоунаа жуучу жайлар;
- такси кызматы;
- мончолор;

Нарын облусу боюнча жалпы 137 адамдан коронавирус аныкталган.