"Абдулманап Нурмагомедовдун тезирээк сакайып кетишин тилейм". Конор Макгрегор Хабиб Нурмагомедовду колдоду

UFC уюмунун атактуу ирландиялык мушкери Конор Макгрегор жеңил салмактагы UFC чемпиону орусиялык Хабиб Нурмагомедовдун атасы ооруп жаткандыгына байланыштуу колдоого алды. Бул тууралуу ирландиялык мушкер өзүнүн социалдык тармактагы жеке баракчасына жазып калтырган.

"Абдулманап Нурмагомедовдун айыгып кетишин тилейм. Бул киши күрөштүн бардык түрү боюнча дүйнө чемпиондорун тарбиялаган чыныгы гений", - деп жазган Конор Макгрегор.

Мындан сырткары ирландиялык мушкер машыктыруучунун ден соолугуна байланыштуу бул кабарга кайгырып жаткандыгын белгилеген. Колдоо сөздөрүн UFC жетекчиси Дана Уайт дагы билдирген.

Буга чейин, 25-апрелде Хабиб Нурмагомедовдун машыктыруучусу жана атасы Абдулманап Нурмагомедов пневмонияга шектелип, ооруканага жаткырылгандыгы кабарланган.