"Ага окшош адам болушу мүмкүн". Ким Чен Ын кайрадан эл алдына чыкпай калды

Түндүк Кореянын лидери Ким Чен Ын кайра эл алдына чыкпай калды. Акыркы жолу лидер коомдук иш-чарага 2-майда катышкан. Ким Чен Ындын эл алдына чыкпай калгандыгы тууралуу дүйнөлүк басылмалар жазып чыгышты.

"Балким ал чындыгында фабриканын ачылышындагы лентаны кескендир. Бирок биз бул сүрөттөрдүн аныктыгын текшере албайбыз", - деп билдирген АКШнын Улуттук коопсуздук боюнча кеңешчиси Роберт О'Брайен.

Америкалык басылмалардын билдиришинче, Ким Чен Ындын 2-майда жер семирткичтер заводунун ачылышына барган сүрөтү лидердин өзү эмес, ага окшош адам болушу мүмкүн.

Эске салсак, 21-апрелде Ким Чен Ын өзүнө жасалган операциядан кийин катуу ооруп жатышы мүмкүн экендиги кабарланган. Ошондой эле кичүү карындашы Ким Ё Чжон өлкөнүн жаңы лидери болуп калышы мүмкүн экендиги айтылган. Бирок 2-майда Түндүк Корея лидери жер семирткичтер заводунун ачылышына барган сүрөтү тараган.