Бразилияда коронавирустан каза тапкан 108 дарыгердин элесине арналган флэшмоб өттү (видео)

Бразилиа шаарындагы Сан-Паулу ооруканасынын алдында чогулган дарыгерлер, медайымдар, санитарлар жана медициналык профсоюздун кызматкерлери илдеттен көз жумган дарыгерлердин элесин эскерүү менен бирге коргонуучу кийимдердин жетишсиздигин билдирип протест көрсөтүүнү максат кылышкан.

"Медициналык кызматкерлер пандемия маалындагы эмгек шартты жакшыртууну талап кылып келишет. Ал эми өлкө жетекчилиги өмүр сакчыларын коргоонучу кийимдер менен камсыздап, талаптарын аткаруунун ордуна айкелдер менен эстеликтерге бет кап кийгизип жашоочуларга вирустун жайылышын токтотуу керек дегенди түшүндүрүү менен алек" , - деген нааразы болгон дарыгерлердин бири.

Пандемия башталгандан бери, Бразилияда COVID-19 инфекциясынан 108 медициналык кызматкер көз жумган. Дагы 14 миң дарыгер ооруну жуктуруп алышкан.