"Обсервацияда жаткандардан чыккан таштандыны эч кандай коргоочу кийими жок адам Спринтер менен ташып жатат" дейт окурман (видео)

Мурунку Ганси авиабазасында жайгашкан обсервацияда жаткан адамдардын чыккан таштандыларды эч кандай коргоочу кийимдери жок эле адам Спринтер менен ташып кетип жатат. Бул тууралуу окурман SUPER.KG порталына билдирип, видео жөнөткөн.

Видеодо бет кап эле кийип алган адам таштандыны унаага салып жатканын байкоого болот. Ал эми окурмандын "тамак-аш куюлган бир колдонуучу желим идиштерди кайра жууп алып келесиңерби?" деген суроосуна таштанды ташыган адам алар өрттөнөт деген жооп узаткан.

Окурман вирус жуктуруп алышы мүмкүн деген шек менен обсервацияда жаткан адамдардан чыккан таштандыны эч кандай коргоочу каражаты жок адамдын жыйнап жаткандыгы анын коопсуздугуна коркунуч туудурушу мүмкүн экендигин белгиледи.