ЖКда Экологияны сактоого багытталган мыйзам долбоору добуш берүүгө жөнөтүлдү

Бүгүн Жогорку Кеңеште “Транспорт жөнүндө” КРнын мыйзамына толуктоо киргизүү тууралуу” мыйзам долбоору добуш берүүгө жөнөтүлдү. Аталган мыйзам долбоору КРнын Өкмөтү тарабынан сунушталган. Айлана-чөйрөнү коргоо жана токой чарбасы мамлекеттик агенттигинин директору Сабир Атажановдун айтымында, мыйзам долбоору климаттык өзгөрүүгө таасир эте турган автоунаадан бөлүнүп чыккан көмүртектин айлана-чөйрөгө таркоосун кыскартуу жана кычкылтектин экологиялык корун түзүү максатында иштелип чыккан.