Минскте өткөн парадда көп медалдары менен байкалып, интернет колдонуучулардын тепкисине калган бийкеч тууралуу маалымат жарыяланды

Пандемияга карабастан Беларусь өлкөсүнүн борбору Минск шаарында 9-майга карата аскер парады орун алганы маалым. Парад учурунда тартылган 1 сүрөт көпчүлүктүн көңүлүн өзүнө буруп, интернет колдонуучулар андагы жаш кыз мынча медалды каяктан алган жана алар чындап эле өзүнүкүбү деген суроо салышып, көптөгөн божомолдорду айтышкан. Мындан сырткары ар кандай сүрөттөрдү жасаганга да жетишкен.

Сүрөттөгү кыздын аты Екатерина Алексеева. Ал өлкөнүн Эл аралык аскерий кызматташтык департаментинин офицери. Майор чининде. Ал мектепти да, жогорку окуу жайын да алтын медаль менен аяктаган.

Сулуу бийкеч курал-жарактарды көзөмөлдө жаатында адис. Ал чет өлкөлөргө жумушу менен көп чыгат жана француз, англис, испан тилдеринде эркин сүйлөйт.