Депутат өкмөттүн кризиске каршы программасында жөнөкөй жарандарды колдоо механизми жок экенин айтты

Депутат Дастан Бекешев өкмөттүн кризиске каршы программасында жөнөкөй жарандарды колдоо механизми жок экенин айтты. Бул тууралуу ал бүгүн, 14-майда Жогорку Кеңештин жыйынында билдирди.

"Программага пенсионерлерди, жалгыз бой энелерди, көп балалуу үй-бүлөлөрдү, кароосуз калган балдарды жана калктын аярлуу катмарын алгылыктуу колдоо чараларын киргизүү зарыл. 5 миң сомдон болбосо да, 2 миң сомдон 2 миллион Кыргыз жаранына акча таратсак жакшы болмок. Жалпы 75 миллион доллар кетмек. Бирок апрелде эле Эл аралык валюталык фонддон алынган 100 миллион доллар жумшалды", - дейт Бекешев.