"Эл аралык валюта фондунун божомолу боюнча ЕАЭБ өлкөлөрүнүн экономикалык өсүшү жайлайт" дейт вице-премьер

Эл аралык валюта фондунун божомолу боюнча ЕАЭБ өлкөлөрүнүн экономикалык өсүшү жайлайт. Бул тууралуу бүгүн, 14-майда Жогорку Кеңештин жыйынында вице-премьер-министр Эркин Асрандиев билдирди.

"Орусиянын ички дүң өнүмү 5,5 пайызга, Беларустуку 6 пайызга, Арменияныкы 1,5 пайызга, Казакстандыкы 2,5 пайызга төмөндөшү мүмкүн. Өнөктөш мамлекеттердеги экономикалык абал Кыргыз мамлекетине да таасирин тийгизип, капиталдын кириши жана акча которуулар 20 пайызга азаяры күтүлүп жатат", - дейт ал.

“Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө” мыйзамына өзгөртүүлөрдү киргизүү тууралуу” мыйзам долбоору каралды.