Жалпы республикалык тестирлөөнү жүргүзүү үчүн 180 тест борборлору даярдалып жатат

Өлкө боюнча Жалпы республикалык тестирлөөнү өткөрүү үчүн 180 тест борборлору даярдалып жатат. Бул тууралуу бүгүн, 15-майда билим берүү жана илим министринин орун басыры Надира Жусупбекова онлайн маалымат жыйынында билдирди.

Жыйында Жалпы республикалык тестирлөөгө каттоо бүгүн, 15-майда аяктары айтылды. Ошондой эле ЖРТнын этаптары тууралуу маалымат берилди. Ага ылайык:

21-июнда негизги тестти тапшыруунун 1-этабы өтөт;
22-июнда предметтик тестти тапшыруунун 1-этабы өтөт;
24-июнда негизги тестти тапшыруунун 2-этабы өтөт;
25-июнда предметтик тестти тапшыруунун 2-этабы өтөт;
ЖРТ жыйынтыктарын жарыялап, таратуу 13-19-июлда жүрөт.

Буга кошумча тест жүргүзүлүүчү борборлордо дезинфекциялоо иштери, аралыкты кармоо, санитардык эрежелерди сактоо боюнча уюштуруу иштери башталганы айтылды.