Эл аралык валюта фонду кезектеги 120 миллион долларды которду

Бүгүнкү күнгө карата Кыргыз мамлекетине 243 миллион доллар тышкы жардам келди. Анын ичинен 120 миллион доллары Эл аралык валюта фондунун биринчи траншы, ал марттын аягында келген. Конвертациядан кийин бул каражат болжол менен 10 миллиард сомду түзгөн. Бул каражаттар биринчи кезекте бюджеттин корголгон жактарга багытталган:
4 миллиард сом – айлык акыларды төлөөгө;
1 миллиард 800 миллион сом – Социалдык фондго;
1 миллиард 2 миллион сом – Милдеттүү медициналык камсыздандыруу фондуна;
дээрлик 1 миллиард сом жөлөк пулдарга.

“Эл аралык валюта фондунун экинчи траншы, тагыраагы, 120 миллион доллар 13-майда берилди. Бул каражаттар азырынча пайдаланыла элек”, - дейт вице-премьер-министр Эркин Асрандиев.

Мындан тышкары ар кандай булактардан коронавируска каршы күрөшүү максатында саламаттыкты сактоо линиясы боюнча гуманитардык жардам катары медициналык каражаттар, азык-түлүк жардам, тесттер жана башка жалпы 1 миллион 800 миң долларлык жардам келген.