Кытайда коронавируска каршы изилдөөдөн өтүп жаткан 5 вакцина жакшы жыйынтык берип жатканы айтылды

Кытайлык окумуштуулар коронавируска каршы колдонула турган 5 вакцинаны изилдөөдөн өткөрүшүп, ага 2 жарым миңдей каалоочулар катышты. Чет элдик басылмалардын маалыматына ылайык, изилдөөдө колдонулган 5 вакцина тең дары-дармек, тамак-аштарды көзөмөлдөө боюнча мамлекеттик башкармалыгы тарабынан жактырылган.

"Учурда вакциналар клиникалык текшерүүдөн өтүп, бейтаптын ден соолугуна коопсуз экени тастыкталды. Вакцинаны колдонгондордо антитела пайда болду. Азыркы тапта бул каражаттардын эффективдүүлүгүнө баа берилүүдө. Изилдөөгө катышкандардын арасында вакцина боюнча азырынча арыздануулар каттала элек. Эгер текшерүүдөн өтүп жаткан вакциналар ушундай жыйынтык берсе, анда июль айында экинчи клиникалык изилдөө ийгиликтүү деп аяктайт", - деп айтылат маалыматта.