25-май өлкөдө дем алыш күн деп белгиленди

Өлкөдө 25-май, дүйшөмбү күн эс алуу күнү деп белгиленди. Маалыматты Эмгек жана социалдык өнүгүү министрлигинин басма сөз кызматынан кабарлашты.

"Орозо айт майрамы 24-май, жекшемби күнгө туш келгендиктен, эс алуу күн дүйшөмбүгө жылдырылды. Муну менен 5 күндүк кызматта иштегендер 23-24-25-май күндөрү эс алышат. Ал эми 6 күндүк жумушта иштегендерге 24-25-май күндөрү эс алуу болот", - деп айтылат маалыматта.

Өлкөдө Орозо айт, Курман айт майрамдары эс алуу күндөрүнө туш келсе, анда бир иш күнү дем алыш күн болуп эсептелет деп кошумчалады министрликтен.