Депутат өлкөнүн авиациясында жеткиликтүү авиаташуулар үчүн бардык ресурстар бар экенин айтты

Депутат Аалы Карашев өлкөнүн авиациясында жеткиликтүү авиаташуулар үчүн бардык ресурстар бар экенин айтты. Бул тууралуу ал бүгүн, 20-майда Жогорку Кеңештин жыйынында билдирди.

Депутат парламент жарандык авиацияны өнүктүрүүгө багытталган Транспорт жана жолдор министрлигинин бардык сунушун, демилгелерин колдоп келгенин билдирди. “Жогорку Кеңеш бешинчи деңгээлдеги аба эркиндигин камсыздоо боюнча Аба кодексине киргизилип жаткан түзөтүүлөрдү жана “Ачык асман” саясатын ишке ашыруу маселелерин колдоп берди. Сиздерде азыр коопсуз, ыңгайлуу жана жеткиликтүү авиаташуулар үчүн бардык ресурстар бар", - деди ал.

Жыйында "Кыргыз өкмөтү менен Корея өкмөтүнүн ортосундагы Аба каттамын орнотуу жөнүндө макулдашууга өзгөртүүлөрдү киргизүү тууралуу протоколду ратификациялоо жөнүндө” мыйзам долбоору экинчи окууда каралды.