Нарын шаарынын 145 жылдыгы 17-сентябрда белгиленет

Нарын шаарынын 145 жылдыгы 17-сентябрда белгилене турганын 4-сентябрда шаардын мэри Баатырбек Жээналиев билдирди. Иш-чаранын программасы боюнча 17-сентябрда Ж.Акималиев атындагы “Жеңиш” багынын ачылышы болот. Андан кийин М.Рыскулов атындагы музыкалык драма театрда салтанаттуу жыйын өтөт. Салтанаттын экинчи бөлүгү Нарын районундагы Кур-Терек ат майданында улантылып, улуттук ат оюндары болмокчу. Шаардын 145 жылдык мааракеси менен бирге Карымшак хандын жана Турдуке баатырдын 200 жылдыгы белгиленет.