Өмүрбек Абдрахманов: "Ишеним кат аркылуу добуш берүүнү таптакыр жоюш керек"

Бүгүн ЖКда талаш-тартыш жараткан депутаттардын жыйындарга катышуусу тууралуу депутат Өмүрбек Абдрахманов өз пикирин айтты: "Конституция кабыл алынып жатканда 120 депутат болгонунун дагы бир себеби - эгер 30 депутат иш сапарга кетсе, 90 депутат отурсун деген ой болгон. Бүгүн болсо, тескерисинче, 30 депутат жыйынга катышат, 90у жок. Ишеним кат аркылуу добуш берүүнү таптакыр жоюп салыш керек". Белгилей кетсек, депутаттар учурда ЖКнын регламентине түзөтүү киргизүү тууралуу Анарбек Калматов сунуштаган мыйзам долбоорунун күнгөй-тескейин талкууга алышууда.