Чүйдүн жана Бишкектин айрым жерлеринде электр жарыгы өчүрүлөт

Бүгүн, 5-сентябрда саат 9:00дөн 17:00гө чейин борбордогу Дэн Сяопин, Месарош, Сельповский, Товарный, Жаш Гвардия, Биринчи Май, Шиш-Дөбө, Жамгырчинов, Табышалиев,  Манас, Токтогул, Тынчтык, Циолковский көчөлөрүндө, Ак-Босого конушунда электр жарыгы өчүрүлөт. Ошондой эле Чүй облусундагы Жайыл районуна караштуу Полтавка, Кызыл-Дыйкан айылдарында, Аламүдүн районундагы Малиновка, Кашка-Суу, Арашан, Таш-Мойнок, Рассвет  айылдарында электр жарыгын берүү чектелет. “Түндүк электр” ишканасы билдиргендей, бул өчүрүүлөр оңдоо иштерине байланыштуу болот.