Ысык-Көлдө жайкы сезонго үмүт барбы? Өкүлчүлүктүн жообу

Кыргыз өлкөсүндө катталган коронавирус пандемиясынан улам көпчүлүктү түйшөлткөн Ысык-Көлдүн сезону тууралуу бүгүн, 23-май күнү брифинг учурунда өкмөттүн Ысык-Көл облусундагы ыйгарым укуктуу өкүлүнүн биринчи орун басары Дамир Моңолдоровго суроо узатылды.

"Азыр санаторий, пансионат, конок үйлөрүнүн ээлери сезон кандай болот деген бүдөмүк ой менен жүрүшөт. Азырынча республикалык деңгээлде бул тууралуу эч кандай маалымат бериле элек. Буюрса, июнь айынын 15терине чейин илдеттен чыгып алсак, андан ары даярдыкты толук көрүп, экономиканын бул тармагына уруксат берилсе, июль-августта ички туристтерди кабыл алуу шартын түзмөкпүз", - деди Моңолдоров.