"Бул жагдай чыр-чатактардын күчөшүнө алып келүүсүн тажик тарап түшүнүшү керек". Кыргыз чек ара кызматы тажик тарапты абалды курчутпоого чакырат

Кыргыз өлкөсүнүн Мамлекеттик чек ара кызматынан Кыргыз-Тажик мамлекеттик чек ара тилкесиндеги жагдайды дестабилдештирүү аракетине жол берилбеши керек экендигин билдиришти.

Маалыматка ылайык, Кыргыз өлкөсүнүн чек арачыларына карата биринчи ок чыгарган Тажикстандын аскер кызматкерлеринин кылган иш-аракетине караганда, акыркы учурларда Кыргыз-Тажик мамлекеттик чек ара тилкесинде дайыма жагдайды курчутуп туруу тактикасын карманып турган тажик тарапка "жасалма дестабилдештирүү" пайдалуу болуп турат.

Алсак, 23-майдан баштап Тажикстан Республикасынын "Ворух" анклавынын тургундары Кыргыз өлкөсүнүн аймагында - Баткен облусунун Баткен районунун Мойнок жергесинин аймагында ири мүйүздүү малды жаюу аракетин тынымсыз көрүп келишет. Ошентип Тажикстандын УКМК менен Чек ара аскерлери эки сутка бою Кыргыз өлкөсүнүн аймагында малдын мыйзамсыз жайылып жүргөнүнө байкоо жүргүзүшкөн жана "Ворух" анклавынын тиешелүү тургундарына карата эч кандай чара көрүшкөн эмес.

Жыйынтыгында Кыргыз тараптын мыйзамдуу талабына Тажикстандын аскер кызматчылары Кыргыз өлкөсүнүн чек арачыларына карата ок чыгарышкан.

"Кыргыз Республикасынын Мамлекеттик чек ара кызматы бул чыр-чатак боюнча Тажикстандын УКМК жана Чек ара кызматынын пресс-борборунун, ЖМКларда жарыяланган билдирүүсүн таңдануу менен кабыл алды. Мындай импульсивдүү билдирүүлөр Кыргыз-Тажик мамлекеттик чек ара тилкесинде чыр-чатактардын күчөшүнө кызыкдар болгон деструктивдүү күчтөрдүн чагымчылдык кылышына алып келээрин тажик тарап түшүнүшү керек.

Кыргыз Республикасынын Мамлекеттик чек ара кызматы тажик кесиптештерин бирдиктүү чек арада орун алган көйгөйлүү маселелерди жакшы санаалаш коңшулук мамилелерди сактоо, эл аралык укук жана буга чейинки сүйлөшүүлөрдө жетишкен чечимдерге ылайык сүйлөшүү жолу менен гана чечүүгө чакырат", - деп билдиришти Мамлекеттик чек ара кызматынан.

Кечээ, 24-майда Баткен облусунун Баткен районуна караштуу Кыргыз-Тажик чек арасындагы Мойнок деген жайлоодо ок атышуу болгон.