"Экинчи жолу төрөлгөндөй болду". Челябинск шаарындагы жол кырсыгы көпчүлүктү толкундантты (видео)

Орусиянын Челябинск шаарында унаа эл баскан тротуарга чыгып кеткен. Окуянын видеосу социалдык тармактарга тарап, аны көргөндөр ошол маалда көчөдөн өтүп бараткан адам үчүн бир сыйра толкунданып алышкан.

Орус маалымат булактары жазышкандай, унааны 40 жаштагы аял киши башкарып бара жаткан.

"Айдоочу рулду башкара албай биринчи бордюрду сүзүп өтүп, андан ары жөө адамдар жүрүүчү тротуарга чыгып кеткен да дүкөндү сүзүп токтогон. Күбөлөр пяточок деп аталган жерде адамдар көп боло турганын айтышкан. Эч ким жабыркаган эмес. "Унаа тротуарга учуп чыкканда ал жактан бир адам өтүп бараткан, ал экинчи жолу төрөлгөндөй эле болду го" деген окуяга күбө болгондордун бири. Жол кырсыгынан айдоочу аял өмүрүнө анча коркунуч келтирбеген жаракат алган. Учурда териштирүү иштери жүрүп жатат", - деп жазылат маалыматта.