Екатеринбургдан Кыргыз жарандарын кайтаруу 30-майга уюштурулууда

Екатеринбургдан Кыргыз жарандарын чартердик каттам менен өлкөгө кайтаруу уюштурулду. Бул тууралуу Тышкы иштер министрлигинин басма сөз кызматынан билдиришти.

Президент Сооронбай Жээнбековдун жана өкмөттүн буйругу менен Екатеринбургдагы Кыргыз өлкөсүнүн консулдугу тарабынан Уралдагы Кыргыз жарандарын мекенине жөнөтүү үчүн чартердик каттам уюштурулуп жатат.

Каттам 30-май күнү Екатеринбург шаарынан Ош шаарына "Урал авиалиниялары" авиакомпаниясы аркылуу ишке ашырылуусу пландалууда. Аталган каттам менен өтө муктаж жарандар (оор оорусу барлар, ден соолугунун мүмкүнчүлүгү чектелгендер, улгайгандар, кош бойлуулар жана оор кырдаалга кабылган балдары бар аялдар) өлкөгө жөнөтүлөт.

Өлкөгө кайтуучулардын тизмесин тактоодо арыз менен кайрылгандар, Урал федералдык өрөөнүндөгү кыргыз диаспораларынын сунуштамалары жана аталган авиакомпаниянын билетин алдын ала алгандар эске алынды.

Билеттер каттамдан бир күн мурун "Урал авиалиниялары" авиакомпаниясынын атайын кассаларында тизме менен ишке ашырылат. Ошого байланыштуу мекендештерди ортомчулардын билет сатып алуу жана өлкөгө кайтаруу сунуштарына макул болбоого чакырат.

Учурда Уралда Кыргыз өлкөсүнө кайтууну каалаган 600дөн ашуун мекендештер бар.