Жогорку Кеңештин комитети Нарындын айылдарын суу менен камсыздоо программасын ишке ашыруу боюнча мыйзам долбоорун колдоду

Бүгүн, 26-майда Жогорку Кеңештин комитети Нарындын айылдарын суу менен камсыздоо программасын ишке ашыруу боюнча мыйзам долбоору каралды.

Баяндаманы Суу ресурстары мамлекеттик агенттигинин директору Көкүмбек Таштаналиев жасады.

“Нарын облусунда айылдарды суу менен камсыздоону жана санитарияны өнүктүрүү программасын” ишке ашыруудагы финансылык каражаттарын Азия өнүктүрүү банкы тарабынан жалпы баасы 32 миллион 900 миң доллар берилет.

Азия өнүктүрүү банкынын атайын фондусунун гранты - 13 миллион 700 миң доллар;

Азия өнүктүрүү банкынын жеңилдетилген насыясы - 13 миллион 700 миң доллар;

Өкмөттүн кош каржылоосу - 5 миллион 500 миң доллар.

Насыя 32 жылга 8 жылдык жеңилдетилген мөөнөтү менен 1 пайыз, кийинки ар бир жылга 1,5 пайыз аркылуу берилет. Долбоорду ишке ашыруу мөөнөтү 6 жыл.

Жыйынтыгында Эл аралык иштер, коргоо жана коопсуздук боюнча комитети мыйзам долбоорду колдоду.