Депутаттар "оор кылмыш кылгандарды атууга кетирүү жазасын киргизели" дешүүдө

Кыргызстанда оор кылмыш кылгандарды атууга кетирүү жазасын калыбына келтирүү сунушталууда. Муну ЖКнын 5-сентябрдагы жыйынында депутат Мамытбай Салымбеков айтып чыгып, "Катуу жазанын жоктугунан оор кылмыштардын саны өсүп жатат",- деди. Убагында атууга кетирүүгө мораторий жарыяланып калганын, учурда аны алып салуу зарылдыгы турганын айтты ал. “Мораторий жарыялангандан кийин аткаминерлерди атып кетүү фактысы күч алган. Кылмышынын оордугуна жараша бул жазаны кайра колдонушубуз кажет”,- деди Салымбеков.