АКШнын биринчи айымынын 257 миң сомдук пальтосу коомчулуктун көңүлүн бурдурду

Жакында гана 50нүн кырын ашкан АКШнын ханайымы Мелания Трамп италиялык люкс деп саналган Gucci брендинин 3500 долларлык (орточо 257 миң 763 сом) пальтосу менен эл көзүнө чыкты. Бул тууралуу чет элдик басылмалар жазып чыгышты.

Биринчи айым президент Дональд Трамп менен бирге жыл сайын өткөрүлүүчү белгисиз аскердин мүрзөсүнө гүл коюу аземине келген. Анын алтын түстүү топчулары менен толукталган ак түстүү пальтосу массалык маалымат каражаттарынын көз жаздымында калган эмес. Аталган пальто мода үйүнүн сайтында 3500 доллар (257 миң 763 сом) турары белгиленет.

Белгилей кетсек, Мелания Трамп 50 жаштын кырын ашканына карабай, анча-мынча жаш моделдерди чаңында калтырып, кийинүү стили менен өзгөчөлөнүп келет.