УКМК жарыялаган видеотасма тергөө бүткөндө парламентте каралат

ЖКнын төрагасы Асылбек Жээнбеков оппозициянын өлкөдө баш аламандык уюштуруу планы тууралуу айтылган видеотасма тергөө иштери бүткөндө парламентте караларын билдирди. Мындай маалыматты ал бүгүн, 5-сентябрда ЖКнын жыйынында билдирди. Айтымында, тергөө бүткөндө алгач тармактык комитет карап, андан соң жалпы жыйында каралат. “Бардыгы ачык өтүп жатат. Бул видеотасмага укуктук баа берүү керек. Тергөө иштери аяктасын”,- деди төрага.   

Белгилей кетесек, буга чейин бир катар депутаттар бул маселени ЖКнын жыйынында кароо сунушун беришкен.   

Эске сала кетсек, 2-сентябрда мурда оппозицияда жүргөн Эрланбек Өмүралиев оппозиция 8-9-10-сентябрда Кыргызстанда баш аламандык уюштура тургандыгын, ал үчүн 3 ири план иштелип чыкканын УКМКга билдирип, бул тууралуу видеотасма коомчулукка жарыяланган эле.