Бишкекте өтчү ШКУнун саммитинде аймактык коопсуздук маселеси талкууланат

Бишкекте өтчү ШКУнун саммити учурунда аймактык коопсуздук маселеси талкууланат. Муну бүгүн, 5-сентябрда Президенттик аппараттын Тышкы саясат бөлүмүнүн башчысы Сапар Исаков билдирди. ШКУнун саммити көптөн бери күткөн олуттуу иш-чара экенин айткан Исаков "ШКУга 6 өлкө кирет, ар бир мамлекеттин 6 жылда бир жолу саммит өткөрүү мүмкүнчүлүгү бар",- деди. Саммитке байкоочу катары Түркмөнстан, Иран, Ооганстан, Монголиянын өлкө башчылары, Индия, Пакистандын, ЕврАзЭС, БУУ, ЖККУ, КМШ эл аралык уюмдарынын өкүлдөрү чакырылды.