Акыйкатчы Алмазбек Атамбаев менен Каныбек Осмоналиевдин ден соолугу начар болуп жатканын айтты

Акыйкатчы Токон Мамытов кечээ, 26-майда УКМКнын тергөө изоляторуна барды. Бул тууралуу мекеменин басма сөз кызматынан билдиришти.

Маалыматка ылайык, акыйкатчы камактагылар Каныбек Осмоналиев, Дүйшөнбек Зилалиев, Албек Ибраимов, Алмазбек Атамбаев, Айбек Калиев, Сардор Абдрахманов жана Бектурсун Айталиевге жолуккан.

"Акыйкатчы менен болгон маектешүүдө Каныбек Осмоналиев ден соолугуна нааразы болуп, ооруканадан тастыкталган медициналык тастыктаманы көрсөттү. Алмазбек Атамбаев болсо кан басымы кескин түшүп, кайра көтөрүлүп жатканын айтты.

Жогоруда аты аталган адамдар тарабынан кээ бир судьяларга жана укук коргоо органдарынын жетекчилерине карата жасалган мыйзамсыз аракеттерине байланыштуу дооматтар айтылды. Бардык айтылган даттануулар жана кайрылуулар Акыйкатчы институтунун кызматкерлери тарабынан кылдат иликтенип, андан кийин республиканын сот инстанцияларына жана мамлекеттик органдарына жазуу жүзүндө кайрылуулар даярдалат", - деп жазылат маалыматта.