Маданият министри музейлерден жоголгон экспонаттарды издөө-иликтөө иштери жүрүп жатканын айтты

Маданият, маалымат жана туризм министри Азамат Жаманкулов музейлерден жоголгон экспонаттарды издөө-иликтөө иштери жүрүп жатканын айтты. Бул тууралуу ал бүгүн, 27-майда Жогорку Кеңештин жыйынында билдирди.

Депутат Айнуру Алтыбаева Тарых музейинде жоголуп кеткен эскпонаттар жана Гапар Айтиев музейиндеги жасалмаланган эки сүрөт боюнча кандай иштер жүрүп жатканын жана күнөөлүүлөр кандай жаза тартканын сурады.

Жаманкуловдун айтымында, бул иштердин айрымдары боюнча иш козголуп, иликтөө жүрүп жатканын айтты. "Тарых музейинен жоголгон айрым экспонаттар дүйнөлүк биржаларда сатылганы тууралуу маалыматтарды угуп калып жатабыз. Гапар Айтиев музейинен жоголгон эки сүрөттүн түп нускасы табылган жок. Сүрөттөрдүн алмаштырылышы боюнча күнөөлүүлөр анын ордун толтуруп берүүгө даяр. Жакында чечим кабыл алынат", - дейт министр.