Дөлөн Өмүрзаков атындагы стадион машыгуу үчүн ачылды

Чектөө иш-чараларын (карантин) этабы менен алып салуу, ошондой эле дене тарбия жана спорт чөйрөсүнүн объекттеринин ишин калыбына келтирүү максатында 27-майдан тарта Дөлөн Өмүрзаков атындагы башкы спорттук аренада чуркоочу жолчого машыгуу өткөрүүгө уруксат берилет. Бул тууралуу Жаштар иштери, дене тарбия жана спорт боюнча мамлекеттик агенттиктен билдиришти.

Маалыматка ылайык, стадиондо санитардык ченемдер, эрежелер, гигиеналык жана эпидемияга каршы иш-чаралар сакталат. Ошондой эле коронавирус инфекциясынан коргонуу максатында машыгуучулар 1 жарым метр аралыкты сактап, машыгуусу кажет. Кызматкерлердин жана машыгуучулардын дене табын контактсыз көзөмөл жүргүзүү тартиби уюштурулат.

Бардык каалоочулар күнүгө саат эртең менен 06:00дөн 09:00 го чейин, кечинде 18:00дөн 21:00гө чейин стадиондо машыга алышат. Кирүү акысыз. Кирүүчүлөр спорттук бут кийим менен гана киргизилет.

20-мартта коронавирус пандемиясынан улам Дөлөн Өмүрзаков атындагы стадиону убактылуу жабылган.