Кардиолог: "Изилдөөгө катышкан 5 миң окуучунун 22 пайызы 7 жашка чейин тамеки чегип көргөнүн айтышкан"

Кыргыз өлкөсүндө жүргүзүлгөн изилдөөгө катышкан 5 миң окуучунун ичинен 22 пайызы 7 жашка чейин тамеки чегип көргөнүн айтышкан. Мындай маалыматты бүгүн, 29-майда Кардиология жана терапия улуттук борборунун кардиологу Айчүрөк Төлебаева онлайн маалымат жыйынында билдирген.

"2019-жылы өспүрүмдөр арасында изилдөө жүргөн. Изилдөөгө 13-15 жаштагы 5 миңден ашык окуучу катышкан. Чылым чегүү тенденциясы өспүрүмдөр арасында дагы күч алууда. Учурда балдардын 2,8 пайызы электрондук тамеки жана кальян чегишет", - деген ал.

Маалым болгондой, өлкөдө бардык билим берүү мекемелеринде, балдар бакчаларынан баштап, мектеп, жогорку окуу жайларынын аймагында чылым чегүүгө тыюу салынган мыйзам бекитилген.