Саламаттыкты сактоо министрлиги: "Коронавирус аныкталган бир бейтаптын кайдан инфекция жуктурганы белгисиз болуп жатат" (видео, хронология)

Акыркы суткада 6 медицина кызматкери коронавирус жуктурган. Алар Бишкек шаары, Ош шаары жана Нарын облусунда катталды.

"Коронавирус аныкталган адамдардын бирөөсүнүн кайдан жуктуруп алганы аныкталбай жатат. Ошого байланыштуу башкаларга да инфекциянын жугуу коркунучу чоң. Андыктан калкты бардык санитардык эрежелерди сактоого чакырабыз", - дейт Үсөнбаев.

Учурда 562 адам ооруканада дарыланууда. Анын арасынан 12 бейтаптын абалы оор, ал эми 5 бейтап жандандыруу бөлүмүндө жатат.

31-майга карата 2 миң 241 адам обсервацияда жатат.

Бир суткада 26 адамдан коронавирус аныкталды. Анын экөө сырттан келгендер.

Бишкек шаары – 7;
Чүй облусу – 3;
Нарын облусу – 12;
Ош шаары – 3;
Ош облусу – 1.

Республика боюнча: 1 748ге жетти.

Бир суткада өлкөдө 57 бейтап коронавирустан айыгып, ооруканадан чыгарылды. 

Бишкек шаары – 40;
Ош шаары – 7;
Нарын облусу – 10.