Чечме айылындагы чырдын күбөсү: "500 чакты чогулган эл сүйлөшүүлөргө баш ийбей, кайра таш атышууда"

Бүгүн, 31-май күнү Кыргыз-Өзбек чек арасында кыргыздар менен тажиктердин ортосунда чыр чыгып, эки тарап булакты талашып, бири-бирине таш ыргытышкан. Кагылышууга күбө болгон тургун SUPER.KG порталына төмөнкүлөрдү билдирди.

"Бүгүн айылдагылар арыктарды тазалап бүтүп, булак жакка барып мал союп, түлөө өткөрөлү дешкен. Алар аш жеп отурушканда, тажиктер келип таш менен уруп башташкан. Алар кечээ эле даярданып башташкан экен деп уктук. Биздикилер качып кетип, элди топтоп кайра барышкан. Тийиштүү чек ара кызматынын өкүлдөрү келип, сүйлөшүүлөрдү жүргүзүп жатышкан. Бирок эл баш ийбей, кайра таш менен ыргытышууда. Бул жакта 500 чакты адам бар. Азыр тажик тараптын 2 үйү күйүп, кыргыздардын биринин сарайы өрттөндү", - дейт окуяга күбө болгон тургун.