Чек ара чыры чыккан Кадамжай районуна биринчи вице-премьер Кубатбек Боронов барды

Биринчи вице-премьер-министр Кубатбек Боронов Баткен облусунун Кадамжай районуна барды. Бул тууралуу өкмөттүн маалымат кызматынан билдиришти.

Маалыматка ылайык, биринчи вице-премьер-министр Өзбекстан Республикасынын премьер-министри Абдулла Арипов менен жолугат.

"Алар эки өлкөнүн жашоочуларынын ортосунда чыккан чыр-чатак боюнча жолугушуу өткөрөт. Ошондой эле Кубатбек Боронов укук коргоо органдарынын жана жергиликтүү бийлик органдарынын катышуусу менен ыкчам жыйын өткөрөт", - деп билдиришет басма сөз кызматынан.