Өкмөт башчынын эмгек өргүүсү качан аяктай турганы белгисиз

Премьер-министр Мухаммедкалый Абылгазиевдин эмгек өргүүсү качан аяктай турганы белгисиз. Өкмөттүн басма сөз кызматынан Абылгазиев жумушка чыкканда кабарлай тургандыгын билдиришти.

27-майда премьер-министр кыска мөөнөттүү эмгек өргүүсүнө чыккан. Мындай чечимдин кабыл алынышына радиожыштык боюнча анын дарегине айтылган сын-пикирлер себеп болгон.

Жогорку Кеңештин жыйынында Жанар Акаев өкмөт башчы жыштык сатуудагы коррупцияга тиешеси жоктугун далилдеш керектигин айткан. Бул маалыматты премьер-министр төгүндөгөн.