Сөөлжан жегизген. Кытайда ишин жакшы аткарбай койгон кызматкерлерди жетекчилик жазалады

Кытайда интерьердик фирмада иштеген кызматкерлерди жумуштагы иш планды так аткара албай калгандыгы үчүн жетекчилик сөөлжан жедиртип жазалады. Бул тууралуу кытай басылмалары жазып чыгышты.

"Окуя Гуйчжоу провинциясында орун алган. Жазаланган кызматкерлердин сөөлжандарды ооздоруна салып, аны суу менен жутуп жаткандагы видеосу социалдык тармактарга тараган. Бирок видео фирманын жетекчилиги тарабынан оперативдүү түрдө өчүртүлгөн. Кийинчерээк бул фирмада иштегендерди жазалоонун бир нече ыкмасы бар экендиги аныкталган. Мисалы, түзүлгөн келишимге ылайык, кызматкерлерди тирүү балыктарды жеп, даараткана жууп, өз эсебинен офистегилердин баарына түшкү тамак алып берип же 500 юань айып пул төлөшү керек деген талаптар болгон", - деп жазылат маалыматта.

Аталган факты боюнча укук коргоо органдарында териштирүү иштери башталганы маалым.