Футболчу Ильзат Ахметовго операция ийгиликтүү жасалды

Кыргыз өлкөсүндө төрөлгөн, учурда Орусия курамасынын футболчусу 22 жаштагы Ильзат Ахметовго ийинине жасалган операция ийгиликтүү өттү. Бул тууралуу Орусия курамасынын сайтына жарыяланды.

"Тилекке каршы, дээрлик бир жарым жыл бою ийинимден жаракат алганыма байланыштуу 100 пайыз футбол ойной алган жокмун. Акыркы мезгилдерде бул көйгөй барган сайын мени тынчсыздандырды. Көнүгүү жасаганым буга жардам берген жок. Мындан улам, клубдун жетекчилиги менен кеңешип, операция жасатууну чечтик. Клуб жетекчилерине жана медицина кызматкерлерине бул маселеде колдоосу үчүн ыраазычылык билдирем. Мындай учурда клуб сиз менен тилектеш болуп турган өтө маанилүү. Баары ойдогудай болду. Мен жакында мурункудай абалыма кайтып келем. Мен үчүн тынчсыздангандардын бардыгына рахмат", - деген Ахметов.

Буга чейин, Ильзат Ахметов ийинине операция жасатуу үчүн Германияга учуп кеткендиги кабарланган.